Na actualidade o Departamento de Economía Cuantitativa da USC agrupa a  un total de 36 profesores adscritos ás áreas estatais de Economía Aplicada e Métodos Cuantitativos para a Economía e a Empresa, os cales están incluídos, a súa vez, na área propia  da USC Economía Cuantitativa. O Departamento ten a súa sede na Facultade de Ciencias Económicas e Empresariais de Santiago de Compostela e os seus profesores imparten docencia nos Campus de Santiago e Lugo. No Campus de Santiago o Departamento ten docencia no Grao en Economía, Grao en Administración e Dirección de Empresas, Grao en  Xornalismo, Grao en Comunicación Audiovisual, Máster Oficial de Desenvolvemento Rexional e Integración Económica, Máster Oficial en Economía: Organización Industrial e Mercados Financeiros, Máster Oficial de Investigación en Economía Aplicada e Máster Oficial en Dirección e Planificación do Turismo. No Campus de Lugo o Departamento ten docencia no Grao en Administración e Dirección de Empresas e no Grao en Comercialización e Loxística.